Меѓународно признатата влада на Либија ги предупреди европските земји дека секој странски брод, кој влегува без дозвола во територијалните води на земјата, ќе станува цел на воздушни напади, пренесоа агенциите.
Агенцијата го цитира изјава на командантот либиските ВВС Сакр ал Џаруши.
Оваа реакција беше предизвикана од постигнатата согласност од министрите за надворешни работи на ЕУ вчера да почнат поморска операција против посредници и шверцерите на луѓе, кои изложуваат на смртна закана илјади мигранти кои се обидуваат да го преминат Медитеранот, за да стигнат до ЕУ.
Обезбедувањето на согласност за таква операција од Либија, каде две ривалски влади водат хаотична вооружена борба за власт, е сериозен проблем за европските земји кои се обидуваат да го прекинат приливот на бегалци и мигранти, кои поаѓаат од либиските брегови.
Засега поморската операција на ЕУ ќе се ограничи само со собирање на разузнавачки податоци, бидејќи за нејзино проширување е потребно таа да добие “зелено светло” и од ОН.