Лидерите на Г7 и НАТО објавија заедничка декларација за експлозијата во Полска

Лидерите на Г7 и НАТО ја објавија својата поддршка за Полска и целосна соработка во истрагата за причините за експлозијата во близина на границата со Украина, во која загинаа две лица.

Лидерите на Европската комисија, Европскиот совет, Канада, Франција, Германија, Италија, Јапонија, Холандија, Шпанија, Велика Британија и САД се сретнаа на маргините на самитот на Г-20 во Бали.

„Остануваме во близок контакт за да се договориме за следните чекори додека истрагата продолжува“, се вели во соопштението на лидерите на Г7 и НАТО.

Тие ги осудија најновите, како што напишаа, варварски ракетни напади врз Украина и цивилната инфраструктура. Тие, исто така, ја уверија Украина за континуирана поддршка.