Лига Европа: Виљареал следна пречка за Динамо, Ајакс против Рома

Фудбалерите на Динамо Загреб ќе играат против Виљареал во четвртфиналето од Лигата на Европа, одлучи денес ждрепката во Нион.

Ждребот во оваа фаза од натпреварувањето ги поврза Ајакс и Рома, а останатите четвртфинални двојки се Гранада – Манчестер Јунајтед и Арсенал – Славија Прага.

Четвртфиналните натпревари се закажани за 8 и 15 април, а полуфиналето е закажано за 29 април и 6 мај.

Финалето ќе се игра на 26 мај во Гдањск, Полска.