Лингард си најде тим во Кореја

Џеси Лингард му се приклучи на ФК Сеул, објави новинарот Фабрицио Романо.

Поранешниот англиски репрезентативец е без клуб по разделбата со Нотингем Форест на крајот од минатата сезона. 31-годишниот напаѓач го напушти Нотингем кога му истече договорот.

Лингард во вторникот ги помина медицинските прегледи во клубот и се очекува официјално да биде претставен во наредните денови.

Англичанецот е поранешен играч на Манчестер Јунајтед, Вест Хем, Лестер, Брајтон и Дерби Каунти.

Џеси Лингард учествуваше на Светското првенство во 2018 година со селекцијата на Англија која стигна до полуфиналето.