Крилниот напаѓач на Јувентус, Федерико Киеза на лето би можел да биде предмет на трансфер битка помеѓу Ливерпул и Манчестер Јунајтед. Двата англиски гиганти се заинтересирани за можноста да го привлечат италијанскиот интернационалец во своите редови и не е ни чудо што ги вкрстуваат копјата на трансфер пазарот, тврди новинарот Фабио Сантини.
Иднината на Киеза во Јувентус е се понеизвесна. 26-годишниот играч беше доведен од Фиорентина во 2020 година со големи очекувања, но досега неговите настапи се променливи, а често го мачеа и повреди. Се зборува дека тој не е во најдобри односи со тренерот Масимилијано Алегри, па нема да чуди и евентуална продажба на лето, особено што на клубот му се потребни свежи средства за да го собере буџетот за нови набавки.
Ливерпул долго време ја следи ситуацијата со Киеза и веќе размислува за план да го доведе на „Енфилд“, откако дури почнаа првични разговори за тоа прашање со претставниците на Јуве. Во меѓувреме, сепак, се појави информација дека и Манчестер Јунајтед „фрлил око“ на Италијанецот. Неговиот потпис би бил уште поверојатен ако клубот одлучи да го отфрли менаџерот Ерик тен Хаг и да го замени со Антонио Конте.
Киеза досега има 119 натпревари, 29 гола и 22 асистенции со тимот на Јувентус. За италијанската репрезентација има 44 натпревари и 7 голови. Торино за него ќе бара најмалку 40 милиони евра.