Гласините за поврзување на Ливерпул со градскиот ривал, ѕвездата на Евертон, Џерад Брантвејт продолжуваат. Според „The Sun“ од црвениот дел на градот подготвуваат понуда во износ од 63 милиони фунти плус седум милиони во вид на бонуси. 22-годишниот централен дефанзивец, кој има договор со „карамелите“ до 2027 година, беше трансфер цел и на Манчестер Јунајтед. Од минатиот викенд се повеќе се зборува за можноста Ливерпул да го ангажира, а некои обложувалници на Островот драстично ги намалија шансите за таков трансфер.
Според „The Sun“, на новиот менаџер на Ливерпул, Арне Слот многу му се допаѓаат квалитетите на Брантвејт.
Тој допрва треба да донесат ново засилување на „Енфилд“, но веќе продаде играчи за над 60 милиони фунти. Фабио Карваљо и Сеп ван ден Берг заминаа во Брентфорд за вкупно 52,5 милиони со бонуси, а Боби Кларк беше префрлен во РБ Салцбург за 10 милиони. Покрај тоа, во касата на Ливерпул би требало да влезат и околу 10 милиони од трансферот на Доминик Соланке во Тотенхем. Тоа значи дека, всушност, „Енфилд“ веќе ги обезбедија парите за толку голем трансфер како што е привлекувањето на Брантвејт.
Ливерпул може да го продаде и Џо Гомез за кого сака околу 45 мил. Голманот на Валенсија, Џорџи Мамардашвили ќе биде купен за околу 30 милиони, но веднаш ќе биде испратен на позајмица, најверојатно во неговиот сегашен клуб.
„Црвените“ имаат точно една недела да ги завршат сите зделки бидејќи преодниот рок се затвора следниот петок, 30 август.
Менаџерот на Евертон, Шон Дајч, вчера призна дека клубот е подготвен да продаде кој било играч за вистинската цена. Последниот трансфер по оската Евертон-Ливерпул беше оној на Абел Ксавиер во 2002 година.