Лубеницата е природен диуретик, го зголемува либидото и е извор на витамини и минерали.
Сепак, луѓето кои имаат дијабетес треба да бидат внимателни.
Летните горештини се идеални за разладување со слатка лубеница. Ова вкусно сезонско овошје главно се состои од вода, а идеално е за засладување бидејќи има само 30 калории на 100 грама.
Исто така е одличен извор на витамини Б, Ц, витамин А, калиум и магнезиум. Овие две последни се важни за регулирање на крвниот притисок.
Лековити својства
Лубеницата содржи антиоксиданси и активни супстанции кои го ублажуваат воспалението во телото. Таа е и диуретик, ја стимулира функцијата на бубрезите и го зголемува производството на урина, што го фаворизира исфрлањето на токсините од телото.
Дури и семките се корисни, тие се богати извори на магнезиум, фосфор, калиум и други минерали. Во азиската медицина, семките од лубеница се користат за чистење на бубрезите и за други медицински цели.
Лубеницата е богата со ликопен – антиоксиданс кој ги спречува срцевите и циркулаторните заболувања.
Содржи и влакна кои го намалуваат нивото на лош холестерол. Сепак, дијабетичарите треба да бидат внимателни бидејќи едно големо парче има 20 грама шеќер, па затоа е подобро да консумираат овошје со понизок гликемиски индекс.
Го зголемува либидото
Една од помалку познатите работи е дека лубеницата е добра за либидото бидејќи содржи фитохемикалија цитрулин која има својство да ги релаксира крвните садови. Во телото се претвора во аргинин, аминокиселина која е корисна за васкуларниот систем бидејќи дава еластичност на ѕидовите на артериите.
Дејството е слично на она што го предизвикува вијаграта, па неколку парчиња лесно можат да го подобрат вашиот сексуален живот.