По речиси 13 години извонредна кариера во дресот на Реал Мадрид, Лука Модриќ остава длабока трага во историјата на клубот. Со 591 одигран натпревар, 43 постигнати голови, 95 асистенции и неверојатни 28 освоени трофеи, хрватскиот маестро стана најтрофејниот фудбалер во историјата на „Кралскиот клуб“.
Во чест на неговото големо дело, Реал Мадрид во соработка со Адидас го претстави специјалниот дрес посветен на Модриќ. Овој дрес, кој се издава во ограничено количество, содржи симболи и моменти што ги одбележаа неговото време во Мадрид. Достапен е за купување на официјалната веб-страница на клубот, а неговата цена е 30 евра повисока од стандардните изданија – дополнителна потврда на неговата уникатност.
Иако неговата приказна со Реал Мадрид доаѓа до крај, се шпекулира дека Модриќ би можел да ја продолжи кариерата во Италија, поточно во Милано, за да остане во форма пред Светското првенство во 2026 година. Како можен последен настап во белиот дрес се споменува Светското клупско првенство што ќе се одржи во САД, кое започнува веќе следната недела. Легендата на Модриќ живее, а Реал Мадрид му оддава почит онака како што заслужува – со стил, емоција и благодарност.
🚨 A special shirt to honour Luka Modrić has been launched by Real Madrid and Adidas.
It's a limited edition. 🇭🇷🤍 pic.twitter.com/3t91W5FVuo
— Madrid Xtra (@MadridXtra) June 9, 2025