Ромелу Лукаку не мирува. И кога не игра, успева да си го најде местото на насловните страници, а овој пат по една баналност. Имено, во еден момент повеќе се зборуваше за него отколку за дуелот помеѓу Челси и Ливерпул (2:2).
Белгискиот напаѓач не беше дел од „сините“ за мечот со Ливерпул затоа што тренерот Томас Тухел го казни по недоличните изјави.
Имено, Лукаку даде изјава за „Скај Италија“ во која рече дека жали што го напуштил Интер и што дошол на „Стемфорд Бриџ“.
Тренерот реагираше неочекувано, а Лукаку сакаше неговиот последен да биде негов.
На Фејсбук го смени клубот за кој настапува. Тоа очекувано го забележаа прво најжестоките навивачи на Интер, а потоа и медиумите во оваа земја. Ова беше направено истиот ден кога вети дека ќе се врати на „Меаца“ за повторно да игра за Интер.
Тој не го смени клубот на Инстаграм, додека го затвори својот Твитер профил.
Сепак, на тоа не останаа имуни ниту навивачите на Интер.
„Не ни е гајле за оние кои бегаат од дождот, се грижиме за оние што остануваат во невремето. Чао, Ромелу“, порачаа фановите на Интер.