Белорускиот претседател Александар Лукашенко денес изјави дека забавувањето на мировните преговори во Украина не се должи на САД, Русија или ЕУ, туку на ставот на украинскиот претседател Володимир Зеленски.
„Знаете, сè повеќе сум склон да ги обвинувам европските лидери и Европа дека не се во можност да постигнат договор. Но, денес, во последните денови, добиваме многу информации дека не станува збор за САД, кои навистина сакаат напредок тука, ниту за Русија, која е подготвена за напредок. И проблемот не е кај европските лидери, туку кај Володимир Александрович Зеленски“, изјави Лукашенко пред новинар на телевизијата „Русија 1“, објави денес РИА „Новости“.
Тој рече дека Зеленски може да преговара за прекин на огнот под притисок, но дека мора да дејствува брзо бидејќи, според него, Русија напредува на фронтот.