Стоп за бетонизацијата во Карпош. Почитувани граѓани, почитувани новинари, денес сме овде со една јасна и силна порака, на Карпош му е доста од бетонизација. Нашата општина, која со години важеше за пример на хумано и квалитетно живеење, денес е под притисок на непланска градба, урбанистички решенија кои ја гушат секоја населба, вели кандидатот на ВМРО-ДПМНЕ за градоначачник на Карпош, Сотир Лукровски во изјава за медиумите.
Тој најавува целосна ревизија на сите детални урбанистички планови, дупови.
-Секој план што е донесен спротивно на јавниот интерес ќе биде вратен и преиспитан. Формирање на ЈП ,,Карпош план“ кое ќе биде по целосна контрола на општината и граѓаните и ќе изработува планови во интерес на хуманата урбанизација, а не по нарачка на некој. Ви давам гаранција дека ќе го штитам јавниот интерес, граѓаните и нема повеќе да се плашат дека паркот пред нивната зграда, игралиштето или малото парче зеленило ќе прерасне во нова зграда, рече меѓу другото Лукровски во своето обраќање.