Врз основа на 100 отсто преброени гласови, поранешниот претседател на Бразил, левичарот Луис Игнасио Лула да Силва, победи на претседателските избори со 50,9 отсто од гласовите.
Актуелниот шеф на државата, десничарот Жаир Болсонаро, освои 49,1 отсто од гласачите, објавено е на веб-страницата на Врховниот изборен суд.
Инаугурацијата на Лула (77) ќе се одржи на први јануари 2023 година, објави „Ројтерс“.
Честитка пристигна и од Путин
Рускиот претседател Владимир Путин му ја честита победата на Луис Игнасио Лула да Силва на претседателските избори во Бразил, соопшти денеска прес-службата на Кремљ.
„Ве молиме прифатете ги моите искрени честитки за победата на претседателските избори. Резултатите од гласањето го потврдуваат вашиот висок политички авторитет. Очекувам дека нашите заеднички напори ќе обезбедат понатамошен развој на конструктивна руско-бразилска соработка во сите области“, наведе Путин во честитката, пренесува агенцијата ТАСС.
Рускиот претседател му посака на Лула да Силва успех во неговата важна работа како претседател на земјата, како и добро здравје и просперитет.