Кинеската Lynk & Co официјално ќе го претстави новиот кросовер 08 на крајот на овој месец, а како најава служат неколку тизер слики.
Марката Lynk & Co се појави во 2018 година, при што ова е седмиот модел во нивната палета.
08 ќе биде првиот што ќе го одликува новиот стил на брендот, додека внатрешноста, според сегашните најави, ќе има голем екран на допир и дигитална инструмент табла.
Lynk & Co 08 се базира на модифицирана верзија на CMA платформата (Compact Modular Architecture), развиена од Geely и Volvo.
Засега е познато дека новиот кросовер ќе биде достапен како plug-in хибрид со 1,5-литарски бензински мотор, но без да се прецизираат поконкретни детали.
Официјалната премиера ќе се случи на 30 март, кога ќе бидат објавени и другите спецификации.