Мадона би сакала да разговара со папата Франциск за „некои важни работи“, па се надева дека тој ќе има волја и време да се сретне со неа.
Кралицата на поп музиката преку твит го праша папата дали би сакал да се сретне со неа, иако нејзината последна исповед беше многу одамна.
Hello @Pontifex Francis —I’m a good Catholic. I Swear! I mean I don’t Swear! Its been a few decades since my last confession. Would it be possible to meet up one day to discuss some important matters ?
I’ve been ex communicated 3 times. It doesn’t seem fair. Sincerely Madonna— Madonna (@Madonna) May 5, 2022
„Јас сум добар католик. Се колнам! Мислам, не псујам!“, напиша таа на Твитер.
Мадона, чија 40-годишна кариера е подеднакво позната по врвните хитови и судирите со Католичката црква, призна дека „поминаа неколку децении“ од нејзината последна исповед, но сепак би сакала да се обиде.
„Дали би можеле да се сретнеме еден ден и да разговараме за некои важни работи?“, прашала пејачката.
Не е јасно дали музичарката добитник на Греми била сериозна. Сепак, во текот на нејзината кариера, Мадона гордо ги искористи контроверзите што го предизвика нејзиното разбирање за теми како што се сексот, истополовите љубови и христијанската симболика.
Папата Франциск се уште не одговорил на поканата на Мадона за средба.