Музичарката Грајмс, која има три деца со милијардерот Илон Маск, повторно го привлече вниманието на јавноста со отворен повик кон нејзиниот поранешен партнер. Таа на социјалните мрежи изрази загриженост, тврдејќи дека едно од нивните деца, не открива кое, минува низ сериозна медицинска криза, додека Маск, според неа, тоа целосно го игнорирал.
„Жал ми е што ова го правам јавно, но веќе не е прифатливо да се игнорира ситуацијата. Ова бара итно внимание. Ако не сакате да разговарате со мене, можете да назначите или да вработите некој што може за да продолжиме да го решаваме ова. Ова е итно, Илон“, напиша Грајмс, а набргу потоа ја избриша објавата.
Патем, Грајмс, вистинското име Клер Баучер и Илон Маск првпат го привлекоа вниманието на јавноста како пар во 2018 година, кога се појавија заедно на Мет Гала. Нивната врска беше турбулентна уште од самиот почеток.
Грајмс еднаш рече дека се поврзале поради заедничката страст за вештачка интелигенција и филозофија, а Маск бил фасциниран од нејзиниот авангарден пристап кон музиката и креативноста. Во 2020 година, парот доби син, X Æ A-12, чие име предизвика бројни контроверзии и правни пречки, по што тие мораа да го приспособат на X Æ A-Xii. Тие подоцна добија уште две деца преку сурогат мајка, но набргу потоа се разделија.
Таа еднаш во интервјуата нагласи дека и е тешко да се справи со интензивниот начин на живот и деловните обврски на Маск кои често го оддалечуваат од семејството. Од друга страна, Маск тврдеше дека останал близок со нив и по раскинувањето, но нивните јавни аргументи сугерираат поинаку.