Мајкл Кејн е верен на својата жена веќе над 40 години и покрај искушенијата во филмската индустрија.

“Во овој бизнис нон-стоп си опкружен со убави жени. Но, јас си имам една таква и дома! Со Шакира се оженив во 1973 година и продолжуваме да се сакаме и до денес. Бидејќи во текот на годините секогаш сум одолевал на искушенијата”, тврди британскиот актер.

“Се прашувате како е можно? Едноставно е. Кога се снимам, Шакира е секогаш со мене, на секоја локација. Па, како да се поддадеш на искушенијата во присуство на жена си?”, Прашува шеговито Кејн. “Но, тоа не е целата формула за среќен брак. Скриената тајна е друга: одделни бањи и тоалети, за секој од сопружниците”.

За 82-годишниот Кејн бракот со Шакира е втор. Во периодот 1955-1962 година тој е оженет со актерката Патриша Хајнс. Од неа има син Доминик, роден во 1956 година, а од Шакира – ќерка Наташа, родена во 1973 година.Кејн има два оскари за споредна улога – првиот за “Хана и нејзините сестри” (1986), а вториот за “Правилата на домот “(1999).

Кино-ветеранот има и три Златни глобуси плус две награди БАФТА. Таткото на Кејн беше консиерж, а неговата мајка – готвачка и домашна слугинка. Што не е пречка за Елизабета II во 2000 година да го удостои со витештво. Ова му дава на Кејн право да носи титулата “сер”, но само пред вистинско име – Морис Миклуајт.