„МакеДокс“ најави кино-викенд

„МакеДокс“ ве кани да уживате пред филмското платно во Кино „Фросина“ – МКЦ со четири документарни филма. Со оглед на тоа што живееме во реалност која станува пофиктивна и од самите играни филмови, документарниот филм станува сѐ поинтересен за љубителите на филмската уметност. Поради тоа, фестивалот на креативен документарен филм „МакеДокс“ одлучи да организира „МакеДокс Кино-викенд(и)“, кадешто на македонската публика ќе ѝ се даде можност уште еднаш да погледне некои од документарните филмови кои беа дел од програмата на фестивалот, пишува во соопштение тимот на МакеДокс.