Македонија испиша историја на Европското првенство во ММА, кое се одржа во Белград, Србија. Македонскиот репрезентативец Марко Трајаноски, член на клубот „Д Стронгест“ од Скопје, го освои првото европско злато за нашата земја, постигнувајќи извонреден успех на најголемата европска сцена во аматерскиот ММА.
Трајаноски беше доминантен во секој дуел на патот кон златото, освојувајќи четири победи против Бугарија, Романија, Украина и Италија за само еден ден. Тој забележа победи против Георги Савов од Бугарија, Илин Давид од Романија, Доменико Вискуси од Италија и Тимур Руснак од Украина.
Овој подвиг е огромен чекор за македонскиот ММА и потврда дека нашите борци се меѓу најдобрите во Европа. Успехот на Трајаноски е само почетокот на уште поголеми достигнувања за Македонија на меѓународната сцена.