Според вицепремиерот за економски прашања Фатмир Битиќи, дигитализацијата ќе биде една од капиталните инвестиции проектирани во Буџетот, а бенефитите допрва ќе се почувствуваат. Тој денес информира дека Македонија ќе биде прва во Југоисточна Европа, па и во Европа, во однос на воведувањето асистенти за вештачка интелигенција.
-Одлучивме дека за мала земја како нашата повеќе од потребно е да се има визија за најмалку 20 години и во таа насока ги креираме мерките. Креираме всушност такви мрки, минимум среднорочни зашто ниту еден процес, посебно не дигитализацијата во јавниот сектор, кај бизнисот и граѓаните, не треба да биде краткорочно решение, истакна Биитќи на денешниот прв панел во рамки на 10. Самит на Мекдонија 2025.
Тој кажа дека во Министерството за информатичко општество и администрација се планирани 20 милиони евра за дигитализација.
Од наредната година, додаде Битиќи, институциите ќе бидат дигитално поврзани и операбилни.