Државјанинот на Северна Македонија, А.И. денеска бил уапсен во Црна Гора, под сомнение дека украл над 40.000 евра од угостителски објект во Бар, а потоа го опожарил.
Како што информираат од Црногорската полициска управа, А.И. на 31 јануари околу два часа по полноќ влегол на терасата од оштетениот угостителски објект и со употреба на сила го скршил прозорецот на објектот.
Откако пронашол метален сеф, со алат го отворил и украл пари во висина меѓу 40.000 до 50.000 евра, пренесува „РТЦГ“.
Македонскиот државјанин потоа предизвикал пожар во една просторија од објектот. Притоа тој избегал со сефот и парите, велат од Црногорската полиција.
А.И. е идентификуван како сторител и бил лоциран и приведен поради сомнение дека ги сторил горенаведените кривични дела.