Ако досега за изборниот туризам во Бугарија партиите негираа, градоначалници божем не знаеја, а локалните само шушукаа, тоа веќе има официјални податоци, пренесоа NovaNews.bg.
Податоците се на Министерството за регионален развој и урбанизам (МРРБ) и прикажуваат информации за 2015 година до месец април – тоа е последниот месец, во кој секој кој сака да гласа за градоначалник наесен на одредено локација, треба да се има регистрирано како жител таму заради 6-месечното впишување во Изборниот законик.
Податоците покажуваат дека тоа го направиле над 133 000 лица, што е за 37 000 повеќе од истиот период во 2014 година, кога немаше локални избори.
Уште поинтересно е сепак кај оние кои ја смениле само сегашна адреса, за да гласаат на друго место, различно од постојаната регистрација.
Ако во 2014 година за првите четири месеци тие биле 57 000 луѓе, тогаш оваа година се зголемија речиси двојно – до околу 95 000 луѓе.
Пораст на локалното население има насекаде. Рекордер сепак е Видинската област – таму зголемувањето за првите пет месеци од 2015 година е речиси седум пати.
Неслучајно и таму се најсериозните судири меѓу руралните регистратори. Сериозен изборен туризам се забележува и во областите Ќустендил, Перник, Враца, Монтана и Софиската област, како и Хасково. Таму зголемувањето е меѓу три и пет пати.
Софиска област е на трето место по областите Видин и Враца по зголемен број на регистрации на тековната адреса.
Во Општина Горна Малина има драстично зголемување на преселниците. Таму до април 2015 година има над 1.000 нови регистрации, додека за истиот период минатата година тие беа едвај 53. Во општината живеат на сегашна адреса околу 5300 лица. Односно една петтина се сомнителните новодојдени.
Во Видинското општина Грамада и село Тошевци пак во напуштени или дури непостечеки куќи се регистрирани по 50 лица.
Можеби објаснувањето е едноставно – за првпат на претстојните локални избори секое од 14-те села во општината ќе си избира градоначалник, т.е нема да биде назначен од општинскиот градоначалник. И ова веројатно ја прави Горна Малина толку атрактивно место за живеење во последните шест месеци.
Во село Бајлоово поранешниот градоначалник ја пречекува екипата на Нова ТВ со веста за 80% обнова на жителите – едно новонаселено мнозинство, очигледно подготвено да го избира својот нов владетел.
Во друго село – Макоцево, новодојденците на хартија се три пати повеќе од досегашната бројка жители. По телефон градоначалникот на Макоцево објаснува дека луѓето доаѓале таму, бидејќи барале промена.
Макоцево, Бајлово, Горна Малина – се нови атракциски центри околу главниот град. И нови можности за обвинителството да покаже активност – сепак досега се избришани неколку стотици лажни новодојдени од вкупно над 37-те илјади пријавени во избирачкиот список до крајот на април.
“Изборниот туризам може да биде ефикасен, ако ние сме рамнодушни кон безобразието на градоначалниците. Нема потреба од законски промени. Законот за граѓанска регистрација дава доволно можности на општинските власти да го контролираат овој процес. Тој предвидува дека човекот кој сака сегашна адреса, треба да покаже или документ за сопственост, или наемен договор. Стигнуваме сепак до моментот дека ако некаде има обид за изборен туризам, виновен е градоначалникот. Ако не сакаме да го трпиме овој феномен, нека не гласаме за него и тогаш тој нема да е заинтересиран да внесува луѓе “.
Тоа го изјави социологот и портпарол на ЦИК Цветозар Томов по повод незаконските регистрации пред локалните избори.
Според него, важно е да се зборува за тоа и да се знае каде се случува, за да се натера населението да си ги штити правата.
“Ако има доволно јавна бучава, оние кои се обидуваат на овој начин да заработат избори, ќе се намалат, бидејќи ќе изгуби гласови, а нема да добијат”, смета Томов.