Македонски камион се преврте во Бугарија, возачот е пренесен во болница

Камион управуван од државјанин на Северна Македонија вечерва се превртел на автопатот „Тракија“ во правец кон Софија.

На местото на настанот според информациите на БНТ се испратени тимови на сообраќајната полиција, противпожарната бригада и екипи на брза помош.

Камионот превезувал ѓубриво, кое било расфрлено на коловозот. Преземени се мерки за негово подигање.

Македонскиот возач е пренесен во болницата во Пазарџик. Засега нема други информации за здравствената состојба на возачот.

Камионот превезувал ѓубриво, кое било расфрлено на коловозот и преземени се мерки за негово расчистување.

Сообраќајот не е во прекин, го регулира сообраќајната полиција. Увидот е во тек.