Поранешниот функционер од редовите на СДСМ, Јани Макрадули побара одговори како понатаму ќе продолжиме по евроинтегративниот пат откако беше обелоденето дека Македонија ќе биде одвоена од „пакетот“ со Албанија и одложеното продолжување на преговорите со ЕУ.
-Велат има план? Е па кој е тој план? Ако е таен, нека биде на затворена седница. Ама мора да има еден план. Што правиме понатаму? Еве Европа не е фер, Албанија нè претрка. Кое е решението? БРИКС нè сакаат? Поим немам. Русија? Вртиме на десно? Ќе учиме руски јазик по училиштата како што е доктрината на ЗНАМ? Некој треба да каже: луѓе, oва е планот и дајте да работиме на ова, рече Макрадули во емсијата „Само вистина“.
Поранешниот пратеник и поранешен потпретседател на Собранието потенцира и дека македонскиот јазик е официјално одобрен од сите држави во ЕУ и го има во сите пори на Брисел. Според него, нема загрозување на јазикот.
Макрадули исто така смета дека „кавгаџиско однесување“ со соседите не може да ни донесе решение на проблемот.