Поранешниот функционер од редовите на СДСМ, Јани Макрадули порача дека партијата во моментов не смее да се бори за примат во опозицискиот блок.
-Обврска на сите нас е да се избориме за креирање политики кои ќе бидат во интерес на сите граѓани и ќе обезбедат просперитетна иднина за Македонија, истакна Макрадули во објава на социјалните мрежи.
СДСМ освои 6 општини, најслаб резултат на локални избори досега. Лидерот на партијата Филипче најави кадровски промени по изборите, но не и негова оставка. И пред најавените промени во раководството, оставки веќе поднесоа претседателот на општинската организација и кандидат за градоначалник за Ѓорче Петров, Костадин Ацевски и потпретседателката на СДСМ, Ана Чупеска.
Оставките се поднесени поради лошите резултати, но и несогласувањето со политиките на партијата.
Од СДСМ сметаат дека остануваат втора по гласачи и најголема опозициска партија.