Макрадули со писмо до Дедо Мраз: „Не е од кафе талог,тоа се луѓе кои размислуваат со своја глава, за нив популизмот е непристоен“

Поранешниот директор на АД Пошта, Јани Макрадули на својот Фејсбук профил напиша иронично писмо до Дедо Мраз, во кое јасно ја критикува власта и премиерот Христијан Мицкоски.

„Да нема недоразбирање, не е од кафе талог, туку тоа се луѓе кои размислуваат со своја глава, за нив популизмот е непристоен, а ПР-от е без ефект за граѓаните. Тие ја сакаат земјата во ЕУ, и тој талог мора да се покрие со твоја помош Дедо Мразе“, пишува Макрадули.

Ги напаѓа и медиумите кои се блиски до ВМРО-ДПМНЕ.

„Слободно прескокни со критичка мисла. Кампањиве одлично функционираат и без неа. Не ни носи разум, ќе ни ги расипе слоганите“, порачува тој, додавајќи: „Без прашања годинава, те молам. Си имаме готови одговори. Задржи ги фактите, со нив не се прави добар ПР“.