После денешниот протест, за чиј тајминг не сакам да коментирам, ги уверивме двата синдикати дека како УО ќе продолжиме со посеветена работа и дека не треба да бидат загрижеи за финансиската стабилност на препријатието, рече директорот на во АД „Пошта на Северна Македонија“, Јани Макрадули на прес-конференција.
Тој информира дека утрово била исплатена плата за сите 2400 вработени, во законскиот рок.
-Од 11 ноември 2020 како нов Управен одбор во оваа компанија потпишани се 87 нови договори со нови комитенти, воведена е за првпат електронската трговија каде во овој момент има 14 комитенти кои продаваат производи преку нашата платформа, воведени се нови услуги, воведена е флексибилната достава, АД ’Пошта на Северна Македонија‘ има најбрза и најевтина достава како низ градот Скопје така и низ Републиката. Вложивме во инвестиција и ќе нè има во новиот шопинг мол ’Ист гејт‘ каде воведуваме нова услуга со ’ќеса на адреса‘. Со сите тие услуги го уверивме синдикатот да не се грижат за иднината, а вработените да не се грижат како за своите работни места така и за платата“, рече Макрадули.
Ова следува откако стотици вработени во Македонски пошти денеска излегоа на предупредувачки протест.