Францускиот претседател Емануел Макрон е страствен корисник на апликацијата Telegram, како и многу други политичари, парламентарци, членови на владата и претседателски советници.
Бриселски „Политико“ пишува дека владата во Париз му издала француски пасош на нејзиниот основач Павел Дуров, кој од непознати причини беше уапсен на 24 август.
Апсењето на Дуров беше критикувано, меѓу другите, од сопственикот на Tesla и платформата Х, Илон Маск, како и од руските официјални лица, вклучително и сенаторот Алексеј Пушков, кој ја нарече Франција „либерална диктатура“ која не толерира поединци кои се залагаат за слобода, пренесе Танјуг.
Во објава на платформата Х, Макрон ги отфрли ваквите обвинувања, наведувајќи дека апсењето на Дуров „во ниту една смисла не е политичка одлука“.
Макрон додаде дека Франција е длабоко посветена на слободата на изразување и комуникација, како и на иновациите и духот на претприемништвото, и така ќе остане.
Според добро информиран француски функционер за правда, „Telegram“ предизвикал фрустрација во Франција поради нејзината неподготвеност да соработува со властите за нелегални случаи.
Во француските официјални кругови веќе подолго време постои загриженост за доверливоста и безбедноста на некои платформи, па во ноември минатата година тогашната премиерка Елизабет Борн им забрани на министрите да користат апликации како „WhatsApp“, „Telegram“ и „Signal“, бидејќи не можат гарантираат безбедност на комуникациите и информациите споделени преку нив.
Партијата на Макрон, „Ренесанса“, сепак, сè уште користи „Telegram“ за испраќање јавни соопштенија до новинарите, како и Министерството за внатрешни работи.