Францускиот претседател Емануел Макрон вети дека земјата ќе застане на страната на Северна Македонија за време на првата меѓувладина конференција со ЕУ.
Во саботата, Макрон на Твитер напиша дека конференцијата ќе отвори историска фаза во процесот на пристапување на Северна Македонија во ЕУ.
– Со суверено гласање за предлогот на Франција на крајот од нејзиното претседавање со Советот на Европската Унија, македонскиот парламент решително ја избра Европа – рече Макрон.
Премиерот на Северна Македонија Димитар Ковачевски претходно во саботата изјави дека првата меѓувладина конференција со ЕУ ќе се одржи на 19 јули во Брисел.
Претходно, парламентот во Скопје го усвои францускиот предлог за укинување на бугарското вето и деблокирање на преговорите за европска интеграција на Северна Македонија.