Францускиот претседател Емануел Макрон најави дека ќе испрати борбени авиони „Мираж“ во Украина, како и дека француската армија ќе обучува украински пилоти.
Макрон повтори дека на Украина треба да ѝ се дозволи да користи оружје обезбедено од нејзините западни сојузници за да ги гранатира руските воени цели и да ги „неутрализира точките од кои земјата се напаѓа“.
Украина се бори да го запре неодамнешниот руски напредок во источните региони Харков и Доњецк. Офанзивата има за цел да го искористи недостигот на муниција и војници во Киев долж линијата на фронтот од околу 1.000 километри.
Украинскиот претседател Володимир Зеленски вчера присуствуваше на комеморацијата за сојузничката инвазија на Нормандија во 1944 година со светските лидери во Франција и повторно побара дополнителна помош од Западот.
Зеленски и неговата сопруга Олена ќе се сретнат со француските претставници денес во Париз.