Макрон разговараше со Нетанјаху: „Неопходен е траен прекин на огнот во Појасот Газа“

Францускиот претседател Емануел Макрон ноќеска телефонски разговарал со израелскиот премиер Бенјамин Нетанјаху за неопходноста од работа за постигнување траен прекин на огнот во Појасот Газа, со помош на сите регионални и меѓународни партнери.

Како што соопштија од Елисејската палата, Франција во наредниот период ќе соработува со Јордан кога станува збор за хуманитарните операции во Појасот Газа, пренесува „Ројтерс“.

Кабинетот на израелскиот премиер соопшти дека Нетанјаху и Макрон разговарале за нападите на јеменските Хути на бродови во Црвеното Море, за прекуграничната размена на оган меѓу израелската армија и Хезболах во Либан и за војната на Израел против Хамас во Газа, пренесе „Тајмс оф Израел“.