Преговорите меѓу турските претставници и делегациите од Шведска и Финска оваа недела во Турција постигнаа мал напредок во надминувањето на приговорите на Анкара за влезот на земјите во НАТО, а се уште не е познато кога ќе продолжат преговорите, изјавија два извора.
„Тоа не е лесен процес“, изјави висок турски функционер за „Ројтерс“ во петокот.
„Тие треба да преземат конкретни чекори, што ќе биде тешко. Преговорите ќе продолжат. Но, се чини дека тоа нема да биде наскоро“, додаде тој.
Финска и Шведска минатата недела поднесоа официјално барање за влез во НАТО за да ја зајакнат безбедноста по руската инвазија на Украина.
Сите 30 членки на НАТО мора да ги одобрат плановите за проширување. Но, Турција се спротивстави на тоа, објаснувајќи дека нордиските земји обезбедуваат засолниште за луѓето поврзани со, како што ги нарекува, терористичките групи.