Во текот на емисијата доживеала многу непријатна и болна ситуација, кога ѝ пукнала лузната од мастектомијата (отстранување на дојките).
Американската пејачка Анастасија учествува италијанската верзија на шоуто „Танц со ѕвездите“. Во текот на една од емисиите доживеала многу непријатна и болна ситуација, кога ѝ пукнала лузната од мастектомијата (отстранување на дојките).
Имено, за време на изведувањето на извежбаната кореографија во која нејзиниот партнер бил професионален танчар, на Анастасија ѝ пукнала лузната што ја добила по операцијата. Пејачката била многу вознемирена поради повредата.
– Танцував во саботата иако лекарот ме советуваше да одморам откако ми пукна лузната на местото каде што имав двојна мастектомија. Бев очајна – раскажала Анастасија.
Инаку, пејачаката два пати се борела со ракот на дојка, и од таа битка излегла како победник. Таа во 2013 година имала двојна мастектомија.
– Операцијата на којашто бев подложена беше многу тешка. Мускулите на грбот ми се преместени напред, па моите движења со рацете се баш интересни, да кажам така – се пошегувала во една прилика таа.
Таа се согласила да учествува во шоуто за, како што рекла, повторно да научи да го користи своето тело по операцијата и болеста. Сепак, лекарите ја предупредиле дека мора да внимава при изведувањето на покомплексните движења