Ужасната сезона на Манчестер Јунајтед ќе ја принуди управата на клубот да троши многу за да му обезбеди на Рубен Аморим нови засилувања за сезоната 2025/26, при што португалскиот тренер ќе го направи зајакнувањето на нападот свој приоритет.
Поранешниот тренер на Спортинг Лисабон по натпреварот со Вулверхемптон во неделата се пожали на неефикасност со оглед на многуте создадени шанси, што е знак дека нешто треба да се промени. Според весникот „Гардијан“, сега се јасни посакуваните засилувања на Аморим: Бразилецот Матеус Куња од Вулверхемптон и Англичанецот Лиам Делап од Ипсвич.
И двајцата имаат откупни клаузули во договорите кои важат од 1 јуни, а вкупната инвестиција ќе биде близу 108 милиони евра. За да се обезбедат услугите на Матеус Куња – 16 гола во 31 натпревар за тимот на Виктор Переира – ќе бидат потребни 73 милиони евра, додека за Делап, кој сезонава има 12 гола за осудениот на испаѓање Ипсвич, инвестицијата ќе биде нешто помала – околу 35 милиони.
За да ги финансираат овие засилувања, „црвените ѓаволи“ се подготвуваат да се разделат со играчи кои скапо ги чинеа, како во однос на трансферните трошоци, така и во однос на платите, вклучувајќи ги Касемиро, Ентони, Расмус Хојлунд и Маркус Рашфорд.
Отворена врата за заминување од „Олд Трафорд“ има и Џејдон Санчо кој беше позајмен во Челси и не е дел од плановите на Аморим за новата сезона.