Манчестер Јунајтед може да се обиде да потпише со талентираниот играч од средниот ред на Манчестер Сити, Џејмс Мекати. 22-годишниот Англичанец импресионираше со своите настапи за „граѓаните“ по враќањето на „Етихад“, откако претходно помина две сезони на позајмица во Шефилд Јунајтед. Тој постигна седум гола на 25 натпревари во сите натпреварувања оваа сезона.
Мекати има договор со Сити за уште една година, но сака гаранции дека повеќе ќе игра следната сезона, што би можело да доведе до негово заминување. На Пеп Гвардиола му се допаѓаат квалитетите на играчот, но тешко дека може да му обезбеди поголема минутажа.
Следната сезона конкуренцијата ќе стане уште поголема, бидејќи Шпанецот планира да доведе уште еден офанзивен играч од средниот ред. Морган Гибс-Вајт и Флоријан Вирц се меѓу посакуваните имиња. Ова ќе ги намали надежите на Мекати дека би можел да добие повеќе шанси по заминувањето на Кевин де Бруин.
Рубен Аморим планира сериозно реновирање на својот тим. Каземиро и Кристијан Ериксен ќе си заминат, па затоа средниот ред треба да се подмлади.
Доколку Јунајтед успее да го обезбеди Мекати, тој би можел да стане 15-тиот играч кој играл за првиот тим на двата гиганти од Манчестер.
Баер Леверкузен, Њукасл, Милан и Нотингем Форест, исто така, ја следат ситуацијата со Мекати.