Фудбалерот на Спортинг Лисабон, Рубен Аморим е водечки кандидат на Sky Sports за следен менаџер на англискиот фудбалски клуб Манчестер Јунајтед, пренесуваат британските медиуми. Се смета дека тој ќе го наследи Ерик тен Хаг, кој беше ослободен од должностите по поразот од Вест Хем со 2-1 викендов.
Според извештаите, Јунајтед веќе стапил во контакт со португалскиот клуб за трансфер на Аморим, кој има откупна клаузула во договорот од 8,3 милиони фунти.
Запрашан за неговата иднина за време на прес-конференцијата во понеделникот, Аморим рече: „Го очекував прашањето, но нема да одговорам. Нема да го одговорам бидејќи што и да кажам, тоа прашање ќе биде поставено одново и повторно не вреди. Горд сум што сум тренер на Спортинг“.
Се шпекулира дека Аморим ќе биде нов менаџер на Манчестер Сити, бидејќи неговиот колега и добар пријател од Спортинг, Хуго Вијана, по завршувањето на актуелната сезона ќе ја преземе директорската функција во шампионите.
Пеп Гвардиола неколку пати изјави дека не е сигурен дали ќе продолжи да го води Сити и по 2024/2025 година.