Рахим Стерлинг најверојатно нема да игра за Манчестер Сити во финалето на Лига Купот во Англија против Арсенал во недела, изјави менаџерот на „небесно-сините“ Пеп Гвардиола.
„Има мускулен проблем и не знам дали ќе биде на теренот“, прокоментира шпанскиот стручњак на прес-конференција. Тој се потпира на враќањето на Габриел Жезус, кој не играл од крајот на 2017 година.
„Да го имаме Габриел Жезус повторно во составот е важно за нас. Имаме потреба од сите наши фудбалери. Секогаш сакам да играм во финалето за Купот, кога сме го освоиле претходниот натпревар. Мора да бидеме мобилизирани и да се фокусираме на натпреварот“, категоричен е Гвардиола.
Тој освои 11 победи во вкупно 12 финалиња со екипите на Барселона и Баерн Минхен. Манчестер Сити има четири Лига Купа во својата историја. Последните два триумфи на „граѓаните“ се во 2014 и 2016 година.
На крајот на минатата недела, Сити отпадна од ФА Купот по неочекуван пораз со 0: 1 како гостин против Виган.