У.Б. (21), осомничен за масовно убиство, побегнал од полицијата од село кај Младеновац сè до Вињиште кај Крагуевац, на нешто повеќе од 80 километри, каде на крајот бил уапсен. Потрагата по него траела цела ноќ.
У.Б., кој е осомничен дека синоќа уби осум лица и рани 14, го започна својот крвав пир во селото Мало Орашје кога излегол од својот автомобил и испукал рафален оган кон група луѓе кои седеле околу камперски оган.
Тој не застанал тука. Возел неколку километри и застрелал четири лица кои местеле капија во двор.
Според Блиц, тој се вратил во автомобилот и се упатил кон центарот на селото Дубона, каде уште еднаш отворил оган и убил две лица, полицаец кој не бил на должност и неговата сестра. Потоа побегнал.
Во потрага по него тргнале повеќе од 600 припадници на МУП, како и хеликоптерска единица. Полицијата ги пребарала сите куќички, напуштени куќи и скришни места во селата Дубона, Мало Орашје и Шепшин каде што осомничениот можел да се сокрие.
Потрагата по него траела цела ноќ, полни осум часа. Како што пренесуваат српските медиуми, Вињиште бил под опсада од рано наутро се додека У.Б. утрово не се предал во полиција.
Недолго потоа уапсени се и неговиот дедо и вујко, во чиј дом се криел пред апсењето.