По повод 23 Мај-Националниот ден на Власите, министерот за правда Бојан Маричиќ упати честитка до сите припадници на Влашката заедница во Република Северна Македонија.
-Од мое лично и од името на Министерството за правда, сакам на сите припадници на влашката заедница во земјата да им го честитам 23 Мај – Националниот ден на Власите. Власите имаа навистина значајно место во македонската историја, бидејќи секогаш ги поддржувале стремежите и активно учествувале во создавањето на нашата држава. Токму Власите и денес имаа значајна улога во македонското општество како значаен дел од политичкиот, економскиот и академскиот живот. Ова се главните причини зошто Власите, со својот јазик, култура и традиција се нераскинлив дел од нашето минато, сегашност и иднина. Нека е честит 23 Мај, Националниот ден на Власите, напиша Маричиќ.