Загубивме на вториот круг од претседателските избори, но  Марин Ле Пен ќе се обиде да ја прошири изборната поддршка со нов партиски пристап. Во својот говор по победата на Емануел Макрон таа најави планови за формирање на ново политичко движење во сојуз со движењето “Стани, Франција” на Никола Дјупон-Енен и други, коментира ББЦ.

Таа дури и ќе го преименува името на партијата, бидејќи се претпоставува дека Националниот фронт е пречка за можноста да ја добие поддршката на повеќе француски гласачи.

Вчера заменик-претседателот на Националниот фронт Флориан Филипо напиша на “Твитер” дека името на партијата ќе биде заменето со “Патриотски и републикански унија”.

Според Ле Пен изборите биле битка меѓу “патриоти” и “глобалистите”.

” Националниот фронт треба длабоко да се обнови, за да се издигне до историската можност и да ги исполни очекувањата на францускиот народ. Ќе предложам започнување на оваа длабока трансформација на нашето движење со цел да се создаде нова политичка сила “, најави националистот по загубата.

Евроскептикот тврди дека сега е главната опозициска сила во земјата . Тоа можеби е вистина во краток рок, откако главните политички партии во десно и лево се уште се обидуваат да се обноват по поразот во првиот круг.

Но екстремнодесничарскиот политичар се соочува со сериозни проблеми. Критичното нејзиното однесување за време на дебатата пред вториот круг ја  става под прашање нејзината способност да освои поголем дел од францускиот електорат во иднина.

Истрагата за финансиски малверзации како европратеник може да  и донесе уште проблеми.

Таа сепак има шанса да го подобри претставувањето на партијата на претстојните парламентарни избори во јуни.