Мароканските власти го забранија прикажувањето на британскиот филм „The Lady Of Heaven“ посветен на Фатима, ќерката на пророкот Мухамед, јавува Би-би-си.
Претходно, мароканското верско тело, Врховниот Улема, го осуди филмот, велејќи дека тоа е „флагрантно фалсификување на утврдени факти“ на исламот.
Телото наведе дека филмот е „одвратно пристрасен“ и ги обвини авторите за „сензационализам“ и „повреда на чувствата на муслиманите“.
Осудите на филмот се фокусираат на начинот на кој сценаристот Јасер Ал Хабиб, кој е шиитска религиозна личност, претстави некои почитувани личности од раниот сунитски ислам.
Филмот го осудија и Египет, Пакистан, Иран и Ирак, а демонстрации имаше во Велика Британија.
По протестите пред некои британски кина, британскиот филмски синџир Cineworld ги откажа сите проекции со цел да ја „обезбеди безбедноста“ на својот персонал и посетителите.
Ова исто така предизвика бес кај некои муслимани кои сакаа да го гледаат филмот.