Селекторот на белгиската фудбалска репрезентација, Роберто Мартинез е главниот кандидат за нов тренер на Барселона, пренесуваат шпанските медиуми.
Како што се наведува, Куман е на излезната врата на Барселона, а новиот тренер ќе биде промовиран по завршниот турнир во Лигата на нациите.
Претседателот на каталонскиот гигант, Жоан Лапорта е во контакт со Мартинез, а селекторот на Белгија ги извести работодавачите дека сака да си замине.
Белгиската федерација ќе го пушти долгогодишниот селектор, но со обештетување од еден и пол милиони евра, бидејќи неговиот договор истекува по завршувањето на Светското првенство во Катар 2022 година.
Мартинез ја предводи белгиската репрезентација од 2016 година, која е трета година по ред на врвот на листата на Меѓународната фудбалска федерација (ФИФА).
Претходно беше тренер на Свонси, Виган и Евертон.