Илон Маск, милијардер и бизнисмен познат по своите компании Space X и Tesla Motors, откри како го започнува денот, односно што точно јаде кога ќе се разбуди – најдобриот избор за утро го гледа во големи количини на протеини. Познато е дека милијардерот има исклучително долги работни часови со напорен дневен распоред, бројни обврски и стрес, па не чуди што во својот животен стил се фокусирал на зголемување на силата, енергијата и продуктивноста.
Тој на својата социјална мрежа Х (поранешен Твитер) објави дека претпочита да го започне денот со силна комбинација на протеини – комбинира стек и јајца со шолја кафе. Тој напиша: „Леле, стек и јајца со кафе наутро е вистинска енергетска бомба!“
Wow, steak & eggs with coffee in the morning really feels like a powerup!
— Elon Musk (@elonmusk) July 17, 2024
Иако повеќето коментатори се согласија со неговиот заклучок, пишувајќи дека токму овој појадок е најдобриот избор за утро и дека најдобро е денот да се започне со протеини, еве што др. Хамдан Абдула Хамед, инаку дерматолог, но и експерт за здрави навики, вели: „Овој оброк обезбедува значително количество протеини и масти, кои можат да направат човекот да се чувствува енергично и сито“, па додава:
„Бифтекот и јајцата се храна богата со протеини, кои се неопходни за закрепнување и раст на мускулите, а содржат и важни витамини и минерали како што се железо, витамин Б12 и холин. Кафето, од друга страна, ја зголемува будноста и фокусот поради својствата на кофеинот, но важно е да се земе предвид балансот на хранливи материи во секој оброк“.
Сепак, тој спомна и некои недостатоци на овој избор за појадок. „Иако овој појадок може да биде корисен за краткорочна енергија, му недостасуваат важни компоненти како што се влакна, кои се клучни за здравјето на дигестивниот систем, како и различни витамини и минерали кои се наоѓаат во овошјето и зеленчукот. Вклучувајќи поширок спектар на групи на храна во вашиот појадок може да обезбеди побалансиран внес на хранливи материи, поддржувајќи долгорочно целокупно здравје“, коментира тој.