Маск се закани дека ќе ги забрани уредите на Apple во неговите компании

од Vladimir Zorba

Милијардерот Илон Маск најави дека ќе ги забрани уредите на Apple од неговите компании доколку производителот на iPhone интегрира OpenAI на ниво на оперативен систем.

„Тоа е неприфатливо нарушување на безбедноста“, рече Маск во објава на платформата X, пренесува Ројтерс.

Да потсетиме, Маск е извршен директор на производителот на електрични возила Tesla и производителот на ракети SpaceX, како и сопственик на социјалната мрежа X.

„Посетителите ќе мора да ги остават своите Apple уреди на влезот, каде што ќе бидат сместени во Фарадеј кафез“, прецизира Маск.

Apple и OpenAI сè уште не одговориле на барањата за коментар.

Претходно во текот на денот, Apple објави голем број функции за вештачка интелигенција за своите апликации и оперативни платформи, како и партнерство со OpenAI за да ја донесе технологијата ChatGPT на своите уреди. Apple соопшти дека има изградено вештачка интелигенција со приватност „во основата“ и дека ќе користи комбинација од обработка на уредот и cloud computing за да ги напојува овие функции.

„Целосно е апсурдно што Apple не е доволно паметен за да изгради сопствена вештачка интелигенција, но некако може да обезбеди дека OpenAI ќе ја заштити вашата безбедност и приватност“, рече Маск. Аналитичарите веруваат дека другите веројатно нема да ја следат одлуката на Маск, посочувајќи дека Apple се обидува да им објасни на луѓето дека приватниот облак е исто толку безбеден како и складирањето податоци на уредот.

Маск го тужеше OpenAI, чиј ко-основач во 2015 година, и неговиот извршен директор Сем Алтман на почетокот на март, тврдејќи дека тие ја напуштиле првичната мисија на стартапот да развива вештачка интелигенција во корист на човештвото, а не за профит. Тој, исто така, основаше сопствен стартап, xAI, во обид да го предизвика OpenAI и да изгради алтернатива на популарниот чет-бот ChatGPT.

Слични содржини