Lucid, калифорниска компанија која би сакала да стане конкурент на Tesla, има проблеми со производството. Откако неодамна го намалија овогодинешниот таргет до 14.000 произведени автомобили, деновиве малку повеќе ја коригираа. Сега очекуваат да произведат само шест до седум илјади годинава.
Сето тоа го поттикна сеприсутниот Елон Маск да се пошегува на Твитер со конкурентот кој и претходно беше цел на неговите „отровни стрели“.
Маск студено ја коментираше веста за намалувањето на производството, велејќи: „Во вториот квартал од годинава добив повеќе деца отколку што тие правеа автомобили“.
Шегата на Маск ќе биде полесно разбирлива ако знаете дека легендарниот претприемач е татко на дури девет или десет деца (во зависност од изворот) и дека неодамна добил близнаци со Шивон Зилис, претседателот на неговата компанија Neuralink.
Недолго потоа доби уште едно дете со пејачката Грајмс со која е во врска. Неговиот љубовен живот очигледно е комплициран, но и многу продуктивен.
Lucid моментално има активни нарачки за 37.000 автомобили, а во првата половина од оваа година тие произведоа само 1.405.
И додека Lucid се бори со илјадници, Tesla цели на милиони.