31
Манчестер Јунајтед веќе се подготвува за следната сезона, а Рубен Аморим е свесен дека нападот е еден од секторите на кои му треба засилување. Затоа најдобриот стрелец на Вулверхемптон, Матеус Куња е меѓу главните трансфер цели ова лето.
Според информациите на новинарот специјализиран за трансфер пазарот, Фабрицио Романо, Јунајтед е во добра позиција да го привлече Бразилецот. Веќе се одржаа позитивни разговори меѓу двете страни, вклучително и за личните услови на Куња.
Има и други клубови кои пројавуваат интерес за бразилскиот интернационалец, кој ја има својата најсилна сезона по постигнати голови – 16 на 31 натпревар во сите натпреварувања.