ИСТРАЖУВАЊA претходно покажаа дека годините на самец може да имаат штетни ефекти врз здравјето на една личност, а новата студија, објавена во понеделникот, покажува дека барем едно од тие влијанија може да биде особено негативно за мажите. Студијата испитувала примероци од крв од 4.835 учесници од Copenhagen Aging and Midlife Biobank за да се испита нивото на воспалителни процеси.
„Најдовме значајна поврзаност помеѓу прекинот на партнерството или годините поминати како самец и проблемите со воспаленија кај мажите“, рече д-р Каролина Дејвидсен, научен соработник на Одделот за јавно здравје на Универзитетот во Копенхаген и автор на публикацијата. Таа додаде дека кај жените не пронашле таков ефект.
Студијата, објавена во списанието BMJ, ги испитувала и годините од животот на самците. Исто така, според студијата, не било доволно само да се проучува разводот во контекст на губење љубовни врски поради се поголемиот број луѓе кои имаат сериозни врски, но не се одлучуваат за брак.
Слободен живот и задоволство
За некои, фактот дека живеат сами е дури и предност, вели Ељаким Кислев, доцент на Хебрејскиот универзитет во Ерусалим. Кислев ги анализираше американските и европските бази на податоци, вклучително и Бирото за попис на населението на САД и Европското социјално истражување, како дел од студијата за трендовите и што ги прави среќни некои самци.
Студирал обичаи во повеќе од 30 земји и направил повеќе од 140 интервјуа со самци во САД и Европа – луѓе на возраст меѓу 30 и 78 години кои заедно претставувале мешавина од пол, сексуалност и социоекономско и етничко потекло.
Тој откри дека клучните разлики помеѓу среќните и несреќните сингл луѓе генерално зависат од тоа дали имаат интернализирани стереотипи за тоа дека се сами или не им е грижа. „Осаменоста на некои среќни сингл луѓе се компензира и со стекнување возбудливи искуства, како на пример патување или пронаоѓање нови хобија“, рече Кислев.
„Најновата студија може да фрли светлина врз ризиците за мажите кои живеат сами, но здравјето е повеќекратно и следењето на факторите на ризик, максимизирањето на благосостојбата и лекувањето на воспалението што се јавува со помош на вашиот лекар, може да им помогне на пациентите да живеат здрав живот“, вели Либи.