Барав летово да го напуштам Пари Сен Жермен бидејќи во тој момент не сакав да го продолжам договорот, и мислев дека клубот може добро да заработи и да донесе квалитетна замена, изјави Килијан Мбапе.
„Не ми се допаѓа што ми рекоа дека побарав да заминам на крајот на август, ме натераа да се чувствувам како крадец“, рече Мбапе за „Радио Монте Карло“.
Францускиот напаѓач додаде дека ПСЖ му дал многу и дека бил среќен во текот на секоја од четирите години.
„Го објавив моето заминување доволно рано за клубот да се подготви навреме. Луѓето велат дека одбив шест или седум понуди за продолжување на договорот, тоа не е вистина, штом реков дека сакам да си заминам, се беше јасно“, заклучи Мбапе.
ПСЖ одби да го продаде Мбапе на Реал ова лето, и покрај фактот што договорот со францускиот напаѓач трае до крајот на сезоната, а тој веќе може да преговара со Мадрид во јануари