Мбапе не е во тимот на Франција за Игрите во Париз

Килијан Мбапе нема да игра за националниот тим на Олимпијадата во Париз, откако беше изоставен од прелиминарниот список на селекторот Тиери Анри.

Мбапе, кој треба да се приклучи на Реал Мадрид кога ќе му истече договорот со Пари Сен Жермен, претходно изјави дека сака да игра на Игрите во неговата земја.

Анри, па дури и францускиот претседател Емануел Макрон сакаа Мбапе да биде дел од олимпискиот тим, но неговото име не е на списокот од 25 играчи.

Го нема Мбапе, но на списокот се фудбалерите на ПСЖ, Варен Заир-Емри и Бредли Баркола, како и ветеранот на Лион, Александре Лаказет.

За разлика од повеќето меѓународни натпреварувања, клубовите не се обврзани да ги испраќаат своите играчи на Олимпијадата.