Килијан Мбапе го скрши носот на воведниот натпревар на француската репрезентација на Евро (победа од 1:0 против Австрија) и остатокот од турнирот во Германија го игра со заштитна маска на лицето. Ова му создава огромни проблеми, призна тој на прес-конференцијата пред вечерашниот натпревар против Белгија.
Откако го пропушти дуелот од второто коло во групната фаза против Холандија, Мбапе одигра цели 90 минути против Полска. Новиот тест за него ќе биде одбраната на Белгија, но и како да се справи со заштитата што треба да ја има на лицето.
Веќе смени четири од нив со надеж дека ќе ја најде вистинската. На тренинг носел маска со боите на француското знаме, што го прекршува членот 42 од правилникот на ФИФА, според кој целата заштита мора да биде една боја, па се обиде со три кои одговараат на правилата.
„Апсолутен хорор“, одговори Мбапе на прашањето како е да се игра со маска. „Ги менувам затоа што никоја од нив не ми одговара. Подобро ми го стеснуваат видот и ја задржуваат потта. Се чувствувам како да го гледам европското во 3Д технологија како некој вид почесен гостин“, додаде тој.