Сиљановска со ваквите потези наместо претседател на државата, се става во позиција на пиун во великобугарската игра против македонските интереси, вели портпаролот и пратеник на Левица, Амар Мециновиќ за пропустот со македонското знаме во Софија на средбата меѓу Румен Радев и Гордана Сиљановска-Давкова.
Според него, „не треба да се правиме будали или да се правиме мали деца“.
-Намерно е изоставено македонското знаме во Софија затоа што тоа е порака која нас Бугарија ни ја праќа. Гледаме дека македонската претседателка и нејзиниот Кабинет не можат да се освестат и да сфатат дека треба да ги штитат македонските интереси. Сиљановска учествува во играта која се игра против Македонија веќе подолго време, рече Мециновиќ на прес-конференција во Собранието.